INONG HU NA BURJU

Tading maetek do au,kakaku dohot ibotoku. Uju marumur 7 taon au parjolo dialap Tuhan dainang sian tonga-tonga nami..
Kalas 5 sd ma kakaku jala marumur 2 taon ma ibotoku.


Godang do nahuingot sian dainang,molo lao dainang martonun sai dohot do au diboan,lalap ma au paida-ida tonunani oma(manggora dainangi biasana OMA do)
Malo do oma hu martonun, uli-uli do ulos na jala rapi.
Sigop do nang tanganna manonun. Jadi tiap ari ma au diajak oma tu pabrik lao martonun.


Mulak martonun,mangula dijabuma oma,diajari do au dohot kakaku mangula ulaon dijabu. Didok do molo boru na uli ingkon uli do mula-ulaon.
Ido umbahen nang pe dung marujung oma alai anggo mangula ulaon dijabu ringgas do hami.


Molo jumpa ari minggu,dipataru oma do hami marsingkola minggu,ias jala uli do hami bahenönna. Molo dongan nami so hea dipataru natorasna alai molo hami torus do dipataru oma. Didok oma do godang angka motor lewat boru dang pos rohaku. Molo hupataru hamu pos ma rohaku.


Mulak marsingkola minggu lao ma hami mandapothon jabu ni tulang ala jonok do gareja tu huta ni tulang,jadi andorang so lao oma margareja jolo mampir do hami satongkin.
Didok oma asa ditanda hami huta ni tulang nami. Jala ingkon hormat do tu tulang dohot nantulang.


Jotjot do au dohot kakaku marmeam rap dongan,molo lalap hami marmeam ro do oma mangalapi hami asa mulak jala dang lupa oma mamboan air minum asa minum hami dung loja marmeam. Unang lalap hamu marmeam da boru ingkon ingot do hamu tu angka ulaon na asing da,ido didok oma tu hami

Godang dope angka kenangan dohot oma.
Suatu waktu postingonku doi.
Mauliate.
Horas!!!!